Gujrat News

گجرات(راجہ وقاص علی )سروس موڑ کراس کے سامنے 2نامعلوم افراد کی نگرانی میں ڈنگہ روٹ اور چنگ چی گاڑیوں نے اپنا ادا قائم کر لیا جبکہ گاڑوں کے روڈ پر کھڑے ہونے سے ناکہ پر موجود پولیس اہلکاروں اور گزرنے والوں کو شدید مشکلات کا سامنہ عوامی حلقوں نے DCOگجرات لیاقت علی چٹھہ،DPOگجرات سہیل ظفر چٹھہ اور ڈی ایس پی ٹریفک عبدالغنی سے مطالبہ کیا ہے کہ ڈنگہ روٹ اور چنگ چی گاڑیوں کی سروس موڑ کے سامنے ناجائز پارکینگ کے خلاف نوٹس لیتے ہوئے کاروائی کی جائے جبکہ تاجر برادریوں کا کہنا ہے کہ روڈ پر اس طرح کی ناجائز پارکینگ کی وجہ گزرنے والی ٹریفک کو شدید مشکلات کا سامنہ کرنا پڑتا ہے اور برملا اڈا قائم کررکھا ہے۔ انتظامیہ نوٹس لیے عوامی حلقے۔

گجرات(نمائندہ خصوصی) پاکستان مسلم لیگ کے سینئرمرکزی رہنما و سابق نائب وزیر اعظم چودھری پرویزالٰہی نے کہا ہے کہ شریف برادران بھارتی آلو، ٹماٹر اور دیگر سبزیاں منگوا کر بھارتی کسانوں کو نوازنے اور پاکستانی زراعت کو تباہ اور کسانوں کو برباد کرنے کی پالیسی کیوں تبدیل نہیں کر رہے، ایک طرف مودی ہمارا پانی بند کر رہا ہے اور دوسری طرف ہمارے حکمران پنجاب میں کسانوں پر تشدد اور انہیں پکڑ کر جیلوں میں ڈال رہے ہیں، انہیں چاہئے کہ وہ کسانوں کو جیلوں میں ڈالنے کی بجائے ان کے مطالبات فوری تسلیم کریں اور انہیں ہمارے دور کی طرح سستی بجلی، پانی، کھادیں، بیج اور دل کھول کر سہولتیں و مراعات فراہم کریں۔ انہوں نے ایک بیان میں کسانوں کا احتجاج روکنے کیلئے کریک ڈاؤن کی سخت ترین الفاظ میں مذمت کرتے ہوئے کہا کہ پاکستان مسلم لیگ کسانوں کی جدوجہد اور مطالبات کی مکمل حمایت کرتی ہے، پنجاب میں جب سے موجودہ حکمران اقتدار میں ہیں ان کی کسان کش پالیسی کیخلاف مسلسل احتجاج کیا جا رہا ہے، مودی حکومت کی جانب سے ہمارے دریائی پانی کی بندش اور پاکستان کی معیشت کو تباہ کرنے کے نت نئے طریقے سامنے آ رہے ہیں اور دوسری طرف یہ پاکستان کے حکمران ہیں جو بھارتی زرعی معیشت کو مضبوط اور اپنی زراعت کو تباہ کر رہے ہیں، ن لیگ کی حکومت جب بھی آتی ہے کسانوں کا معاشی قتل عام کرت مزید

کو ٹلہ ارب علی خاں (غفوراحمد گل)نیشنل ایکشن پلان بجرم 6پنجاب ساؤنڈ سسٹم آرڈیننس 2015ء کی خلاف ورزی پر امام مسجد قاری محمد ناظم ولد محمد شریف قوم اعوان سکنہ صبورکے خلاف مقدمہ درج کر لیا گیا،حکومت کی طرف سے مسجد کی چھت پر چار کی بجائے ایک یو نٹ لگانے کی اجازت اور باقی اترنے کے احکامات ہیں جبکہ جامعہ چشتیہ مہریہ بنیاں شریف میں ایک کی بجائے چار یو نٹ لگا کر قانون کی خلاف ورزی اور ارتکاب جرم کیا گیاجس کی بناء پرمسجد کے امام کے خلاف ایف آئی آر درج کی گئی ہے۔پو لیس تھانہ ککرالی نے کارروائی کے دوران اضافی یو نٹ اتار کر قبضہ میں لے لی ہیں۔

لالہ موسیٰ(جمیل احمدطاہر)قصبہ محلہ چاندنگرکا علاقہ ٹی ایم اے کے عملہ صفائی کی عدم دلچسپی سے گندنگرمیں تبدیل، بلدیہ کا کوڑادان بھرجانے سے کوڑاباہرگرنے لگا،نالہ بندہونے سے صفائی کے ساتھ ساتھ نکاسی آب کا مسئلہ بھی بن گیا،میٹ پرویزاس علاقہ کی صفائی نہیں کراتا،اہل علاقہ سراپااحتجاج۔تفصیلات کے مطابق قصبہ محلہ چاندنگرکے قریب ٹی ایم اے کی طرف سے رکھاگیاکوڑادان بھر جانے سے کوڑاکرکٹ باہرگرنے لگاجس کے نتیجہ میں نالہ بھی بندہوگیا،جس سے اہل علاقہ کو صفائی کا مسئلہ تو پہلے سے ہی تھااوپرسے نکاسی آب کا بھی مسئلہ پیداہوگیا،ٹی ایم اے کی طرف سے تعینات ہونے والامیٹ پرویزاس علاقہ کی صفائی ستھرائی میں بالکل دلچسپی نہیں لیتا،جس سے چاندنگرکا علاقہ گندنگرمیں تبدیل ہوچکاہے،اہل علاقہ نے ایڈمنسٹریٹرٹی ایم اے چوہدری ذوالفقارباگڑی سے مطالبہ کیاہے کہ چاندنگرمیں صفائی کے مسائل حل کئے جائیں۔